આંતરરાષ્ટ્રીય ક્રિકેટ પરિષદ (ICC)એ મે 2026 મહિનાના પ્લેયર ઓફ ધ મન્થ એવોર્ડના વિજેતાઓની જાહેરાત કરી છે. મહિલા વર્ગમાં ઇંગ્લેન્ડની ઝડપી બોલર Lauren Bell અને પુરુષ વર્ગમાં બાંગ્લાદેશના અનુભવી વિકેટકીપર-બેટર Mushfiqur Rahimને આ પ્રતિષ્ઠિત સન્માન આપવામાં આવ્યું છે. બંને ખેલાડીઓએ મે મહિનામાં પોતાના શાનદાર પ્રદર્શનથી ક્રિકેટ જગતનું ધ્યાન ખેંચ્યું હતું.
લોરેન બેલે પ્રથમ વખત ICC પ્લેયર ઓફ ધ મન્થ એવોર્ડ જીત્યો છે. તેણે પાકિસ્તાનની ગુલ ફિરોઝા અને ન્યૂઝીલેન્ડની મેડી ગ્રીનને પાછળ રાખીને આ ખિતાબ પોતાના નામે કર્યો. બેલે ભારત અને ન્યૂઝીલેન્ડ સામેની વ્હાઇટ-બોલ શ્રેણીઓમાં સતત અસરકારક બોલિંગ કરી હતી. મે મહિનામાં તેણે વન-ડે અને ટી20 આંતરરાષ્ટ્રીય ક્રિકેટમાં કુલ 13 વિકેટ ઝડપી હતી, જેમાં તેની આક્રમક અને નિયંત્રિત બોલિંગે ઇંગ્લેન્ડને મહત્વની જીત અપાવવામાં મોટી ભૂમિકા ભજવી હતી.
એવોર્ડ જીત્યા બાદ બેલે કહ્યું કે પોતાના દેશના ચાહકો સામે સારું પ્રદર્શન કરવું હંમેશા ખાસ અનુભવ હોય છે. તેણે મહિલા ક્રિકેટના વધતા લોકપ્રિયતાના વખાણ કરતાં ચાહકોના સમર્થન માટે આભાર વ્યક્ત કર્યો.
બીજી તરફ, મુશફિકુર રહીમે પાંચ વર્ષ બાદ ફરી ICC પ્લેયર ઓફ ધ મન્થનો ખિતાબ જીત્યો છે. પાકિસ્તાન સામેની ટેસ્ટ શ્રેણીમાં તેણે બાંગ્લાદેશ માટે મહત્વપૂર્ણ યોગદાન આપ્યું હતું. બે ટેસ્ટમાં તેમણે 235થી વધુ રન બનાવ્યા હતા, જેમાં 137 રનની શાનદાર સદીનો પણ સમાવેશ થાય છે. તેમની બેટિંગના જોરે બાંગ્લાદેશે પાકિસ્તાન સામે 2-0થી શ્રેણી જીતી હતી.
મુશફિકુરે એવોર્ડ જીત્યા બાદ કહ્યું કે ટેસ્ટ ક્રિકેટમાં કરેલા પ્રદર્શન બદલ મળેલું આ સન્માન તેના માટે ગૌરવની બાબત છે. તેણે ટીમના સાથી ખેલાડીઓ અને સપોર્ટ સ્ટાફનો આભાર માનતા કહ્યું કે ભવિષ્યમાં પણ બાંગ્લાદેશની સફળતામાં યોગદાન આપવાનું ચાલુ રાખશે.
Mushfiqur Rahim and Lauren Bell have been named the ICC Players of the Month for May 2026 following their outstanding performances in international cricket. 😍👌#Cricket #Bangladesh #England pic.twitter.com/sJG4ReXgGu
— Sportskeeda (@Sportskeeda) June 22, 2026