IPL 2026 પૂરો થવાની સાથે જ ક્રિકેટ જગતમાં એક મોટી ચર્ચાએ જોર પકડ્યું છે. અહેવાલો મુજબ ટીમના કોચિંગ સ્ટાફમાં મોટો બદલાવ થવાનો છે અને પૂર્વ શ્રીલંકન કેપ્ટન Kumar Sangakkara ફરીથી હેડ કોચની ભૂમિકામાં જોવા મળી શકે છે. હાલ ટીમ મેનેજમેન્ટ નવા માળખા પર કામ કરી રહ્યું છે અને આગામી સીઝન માટે મજબૂત આયોજન શરૂ થઈ ગયું છે.
રિપોર્ટ્સ અનુસાર IPL 2025માં નિરાશાજનક પ્રદર્શન બાદ મેનેજમેન્ટે કોચિંગ વિભાગમાં ફેરફાર કરવાનો નિર્ણય લીધો હતો. ત્યારબાદ રાહુલ દ્રવિડના કાર્યકાળનો અંત આવ્યો અને હવે સંગાકારાને વધુ મોટી જવાબદારી સોંપવાની તૈયારી ચાલી રહી છે. સંગાકારા અગાઉ પણ ટીમ સાથે ડિરેક્ટર ઓફ ક્રિકેટ અને હેડ કોચ તરીકે સફળતાપૂર્વક કામ કરી ચૂક્યા છે. તેની માર્ગદર્શન હેઠળ ટીમ IPL 2022ની ફાઇનલ સુધી પહોંચી હતી.
તાજેતરના સમયમાં સંગાકારાએ યુવા ખેલાડીઓને સપોર્ટ કરીને પણ ઘણું ધ્યાન ખેંચ્યું છે. ખાસ કરીને રિયાન પરાગ અને વૈભવ સૂર્યવંશી જેવા ખેલાડીઓ પર તેનો વિશ્વાસ ટીમ માટે ફાયદાકારક સાબિત થયો છે. IPL 2026 દરમિયાન પણ સંગાકારાએ ખુલ્લેઆમ કહ્યું હતું કે ટીમ ખેલાડીઓની પસંદગી ઉંમરથી નહીં પરંતુ ક્ષમતાના આધારે કરે છે.
હવે જોવાનું રહેશે કે આગામી સીઝનમાં સંગાકારા કઈ રીતે ટીમને નવી દિશા આપે છે. ચાહકોને આશા છે કે તેના અનુભવ અને આક્રમક ક્રિકેટિંગ વિચારો ટીમને ફરી ચેમ્પિયન બનાવવામાં મદદ કરશે.
🚨 BIG NEWS FOR PAKISTAN CRICKET TEAM 🚨
– PCB is most likely to appoint Kumar Sangakkara for the ODI & Test batting coach role.
– Pakistan vs Australia ODI series will be last series for Mike hesson as a coach in ODI format most likely. pic.twitter.com/5eIEw73zzB
— Abdullah (@Abdullahhhh_56) May 27, 2026