ઓમ રાઉત દ્વારા નિર્દેશિત હિન્દી ફિલ્મ ‘આદિપુરુષ’ હાલમાં સમગ્ર દેશમાં ચર્ચા અને ટીકાનું મુખ્ય કેન્દ્ર છે. હિન્દુ મહાકાવ્ય રામાયણ પર આધારિત ફિલ્મમાં પ્રભાસ રાઘવ, કૃતિ સેનન જાનકી, સૈફ અલી ખાન લંકેશ અને દેવદત્ત નાગે બજરંગબલીની ભૂમિકા ભજવે છે.
આ બોલિવૂડ ફિલ્મ રામાયણ અને તેના પાત્રોની મજાક ઉડાવતા ખરાબ સંવાદો માટે ભારે ટીકાનો સામનો કરી રહી છે. દરમિયાન, ચાહકો અને સેલિબ્રિટીઓએ ‘આદિપુરુષ’ની ટીકા કર્યા પછી, હવે ભૂતપૂર્વ ભારતીય ક્રિકેટર વીરેન્દ્ર સેહવાગે આ ફિલ્મ પર પોતાનો અભિપ્રાય શેર કર્યો છે.
Adipurush dekhkar pata chala Katappa ne Bahubali ko kyun maara tha 😀
— Virender Sehwag (@virendersehwag) June 25, 2023
તમને જણાવી દઈએ કે, વીરેન્દ્ર સેહવાગ કોઈ પણ ખચકાટ વગર પોતાના દિલની વાત કહેવા માટે જાણીતો છે, અને બોક્સ ઓફિસ પર ધમાલ મચાવતા આદિપુરુષની સમીક્ષા કરતી વખતે તેણે આવું જ કર્યું હતું. હકીકતમાં, 25 જૂને, ભૂતપૂર્વ ભારતીય ઓપનર આદિપુરુષ અને તેના મુખ્ય અભિનેતા પ્રભાસ પર સોશિયલ મીડિયા પર નિશાન સાધ્યું હતું.