ભારત A અને શ્રીલંકા A વચ્ચે ડમ્બુલામાં રમાયેલી ટ્રાઇ-નેશન A સિરીઝની મેચ દરમિયાન એક અનોખી ઘટના જોવા મળી, જેમાં ભારત A ટીમને 10 પેનલ્ટી રનની સજા ભોગવવી પડી. આ દંડ યુવા ઓલરાઉન્ડર વિપ્રજ નિગમની ભૂલને કારણે લાગ્યો હતો, જેણે મેચ દરમિયાન બે વખત પિચના ‘ડેન્જર એરિયા’માં દોડ લગાવી હતી.
ક્રિકેટના નિયમો અનુસાર બોલર અથવા ફીલ્ડર વારંવાર પિચના સંવેદનશીલ ભાગ પર દોડે અને તેને નુકસાન પહોંચાડે તો અમ્પાયર વિરોધી ટીમને પેનલ્ટી રન આપી શકે છે. મેચ દરમિયાન અમ્પાયરોએ પહેલેથી જ ભારત Aના ખેલાડીઓને આ બાબતે ચેતવણી આપી હતી. અનુકુલ રોયને પણ અગાઉ આ અંગે વોર્નિંગ આપવામાં આવી હતી, જેના કારણે ટીમને નિયમોનું પાલન કરવાની સ્પષ્ટ સૂચના મળી ગઈ હતી.
તેમ છતાં વિપ્રજ નિગમે બે અલગ પ્રસંગે ફરીથી પિચના ડેન્જર એરિયામાં પ્રવેશ કર્યો. બીજી વખત આ ભૂલ થતાં જ અમ્પાયરોએ કડક કાર્યવાહી કરતાં શ્રીલંકા Aના ખાતામાં સીધા 10 રન ઉમેરી દીધા. આ નિર્ણયથી ભારત A માટે સ્થિતિ મુશ્કેલ બની ગઈ અને મેચમાં તેનો પ્રભાવ પણ જોવા મળ્યો.
ક્રિકેટમાં પેનલ્ટી રન મળવાની ઘટનાઓ બહુ ઓછી જોવા મળે છે, તેથી આ ઘટના ચર્ચાનો વિષય બની છે. ખાસ કરીને યુવા ખેલાડીઓ માટે આ એક મોટો પાઠ માનવામાં આવી રહ્યો છે કે માત્ર બેટિંગ અને બોલિંગ જ નહીં, પરંતુ રમતના નિયમોનું પાલન કરવું પણ એટલું જ મહત્વનું છે.
ભારત A ટીમ મેનેજમેન્ટ હવે આવી ભૂલો ફરી ન થાય તે માટે ખેલાડીઓને વધુ સાવચેત રહેવાની સૂચના આપે તેવી શક્યતા છે. આ ઘટના મેચના સૌથી ચર્ચાસ્પદ પળોમાંથી એક બની ગઈ છે.
🚨 ZERO GAME AWARENESS BY VIPRAJ NIGAM AGAINST SRILANKA A 🚨
India-A have been penalised 10 runs.🤯
Vipraj Nigam keeps running down the danger zone, and it means that Sri Lanka will start at 10/0 when they come out to bat. pic.twitter.com/it78TLhSra
— Cricket Central (@CricketCentrl) June 15, 2026