ઇંગ્લેન્ડના ટેસ્ટ કેપ્ટન અને વિશ્વ ક્રિકેટના સૌથી પ્રભાવશાળી ઓલરાઉન્ડરોમાંના એક બેન સ્ટોક્સ હવે લાંબા સમય બાદ ફરી લિસ્ટ-A ક્રિકેટ રમવા તૈયાર છે. ડર્હમે ડર્બીશાયર સામે રમાનારી વન-ડે કપ મેચ માટે પોતાની 14 સભ્યોની ટીમ જાહેર કરી છે, જેમાં સ્ટોક્સનું નામ સામેલ કરવામાં આવ્યું છે. તેના ચાહકો માટે આ એક મોટી ખુશખબર માનવામાં આવી રહી છે.
ખાસ વાત એ છે કે બેન સ્ટોક્સે છેલ્લી વખત ડર્હમ માટે 50 ઓવરની મેચ વર્ષ 2014માં રમી હતી. તે વખતે વન-ડે કપની ફાઇનલ 20 સપ્ટેમ્બરે યોજાઈ હતી, જેમાં સ્ટોક્સે શાનદાર પ્રદર્શન કરીને ‘પ્લેયર ઑફ ધ મેચ’નો એવોર્ડ જીત્યો હતો. હવે લગભગ એક દાયકાથી વધુ સમય બાદ તેઓ ફરી ડર્હમની જર્સીમાં લિસ્ટ-A ક્રિકેટ રમતા જોવા મળશે.
સ્ટોક્સ છેલ્લા કેટલાક વર્ષોમાં મુખ્યત્વે ટેસ્ટ ક્રિકેટ અને આંતરરાષ્ટ્રીય ટૂર્નામેન્ટ્સ પર ધ્યાન કેન્દ્રિત કરતા રહ્યા છે. ઉપરાંત ઈજાઓના કારણે પણ તેણે મર્યાદિત ઓવરોની સ્થાનિક સ્પર્ધાઓમાં ભાગ લીધો નહોતો. હવે તેની વાપસીથી ડર્હમની ટીમને અનુભવ અને સંતુલન બંને મળશે.
ક્રિકેટ નિષ્ણાતોનું માનવું છે કે આ વાપસી સ્ટોક્સ માટે પોતાની મેચ ફિટનેસ વધારવાની ઉત્તમ તક સાબિત થઈ શકે છે. સાથે જ તેઓ બેટિંગ અને બોલિંગ બંને વિભાગમાં ટીમને મજબૂત બનાવશે. ડર્બીશાયર સામેની મેચમાં તમામની નજર તેમના પ્રદર્શન પર રહેશે.
બેન સ્ટોક્સની હાજરીથી વન-ડે કપને પણ વધુ આકર્ષણ મળશે. ચાહકો લાંબા સમય બાદ તેને ફરી 50 ઓવરના સ્થાનિક ક્રિકેટમાં રમતા જોવા આતુર છે. જો તેઓ પોતાની જૂની લયમાં દેખાશે તો તે માત્ર ડર્હમ માટે જ નહીં, પરંતુ ઇંગ્લેન્ડ ક્રિકેટ માટે પણ સકારાત્મક સંકેત બની શકે છે. હવે જોવાનું રહેશે કે દાયકાથી વધુ સમય બાદ લિસ્ટ-A ક્રિકેટમાં પરત ફરેલા સ્ટોક્સ પોતાની વાપસીને કેટલી યાદગાર બનાવી શકે છે.
ICYMI:
Ben Stokes is set to return to List A cricket. He is part of the 14-member Durham squad for the One Day Cup match against Derbyshire.
Stokes last played a 50-over game for Durham in the 2014 One Day Cup final on September 20, in which he was the POTM.#BenStokes pic.twitter.com/TAQANgw26S
— Cricbuzz (@cricbuzz) July 21, 2026