ભારતીય ટીમના પૂર્વ વિકેટકીપર-બેટ્સમેન દિનેશ કાર્તિકે ઓલરાઉન્ડર શિવમ દુબેની વનડે બેટિંગ પર ખુલ્લેઆમ પોતાની પ્રતિક્રિયા આપી છે. કાર્તિકનું માનવું છે કે દુબેને વનડે ક્રિકેટમાં મળતી તકનો સંપૂર્ણ લાભ લેવો જોઈએ, પરંતુ તેના માટે ટેકનિક અને ખાસ કરીને ફૂટવર્કમાં મોટો સુધારો કરવો જરૂરી છે.
કાર્તિકે કહ્યું કે, “શિવમ દુબેને હવે વનડે ક્રિકેટમાં સતત તક મળી રહી છે અને તેણે આ તકને બંને હાથથી ઝડપી લેવી જોઈએ. પરંતુ વનડે ક્રિકેટ T20 જેવું નથી, જ્યાં માત્ર થોડું પગ હલાવીને મોટા શોટ રમવાથી કામ ચાલી જાય.”
તેણે દુબેના તાજેતરના આઉટ થવાના અંદાજનો ઉલ્લેખ કરતાં કહ્યું કે તેની બેટિંગમાં ફૂટવર્કનો સંપૂર્ણ અભાવ જોવા મળ્યો હતો. કાર્તિકના જણાવ્યા અનુસાર, “તેના પગ બિલકુલ હલ્યા નહોતા. યોગ્ય ફૂટવર્ક વગર આ સ્તરના ક્રિકેટમાં સફળતા મળવી મુશ્કેલ છે.”
પૂર્વ ભારતીય ક્રિકેટરે વધુમાં જણાવ્યું કે દુબેએ ખાસ કરીને ફૂટ મૂવમેન્ટ પર મહેનત કરવાની જરૂર છે. તેના મતે જો આ ખામી દૂર નહીં થાય તો વિદેશી પિચો પર તેની મુશ્કેલીઓ વધુ વધી શકે છે. કારણ કે ત્યાં બાઉન્સ, સ્વિંગ અને સીમ મૂવમેન્ટનો સામનો કરવા માટે મજબૂત ટેકનિક અને ઝડપી ફૂટવર્ક અનિવાર્ય બને છે.
કાર્તિકે ભારપૂર્વક કહ્યું કે ODI ક્રિકેટમાં લાંબી ઇનિંગ્સ રમવા માટે ધીરજ, યોગ્ય શોટની પસંદગી અને મજબૂત બેઝ જરૂરી છે. T20માં જે પ્રકારની આક્રમક બેટિંગ કેટલીક વખત સફળ થાય છે, તે જ અભિગમ 50 ઓવરના ક્રિકેટમાં હંમેશા કારગર સાબિત થતો નથી.
શિવમ દુબે છેલ્લા કેટલાક સમયથી ભારતીય ટીમમાં વનડે ફોર્મેટમાં તક મેળવી રહ્યો છે. હવે જોવાનું રહેશે કે કાર્તિકની આ સલાહ બાદ દુબે પોતાની ટેકનિક અને ફૂટવર્કમાં સુધારો કરીને ટીમમાં પોતાનું સ્થાન વધુ મજબૂત બનાવી શકે છે કે નહીં.
🚨 DINESH KARTIK SLAMS ON SHIVAM DUBE UNWANTED SELECTION 🤯
Dinesh Karthik Said 🗣️:
“Shivam Dube is now getting opportunities in ODI cricket, and I feel he should make the most of this chance. This is not T20 cricket where you can survive by just moving your feet slightly and… pic.twitter.com/hGosZYmprF
— Sports Club (@SportsxClub) July 16, 2026