ઓસ્ટ્રેલિયાને 2015નો વનડે વર્લ્ડ કપ જીતાડનાર ટીમનો ભાગ રહેલા પૂર્વ ડાબોડી સ્પિનર ઝેવિયર ડોહર્ટીની કારકિર્દી આજે ફરી ચર્ચામાં છે. ક્રિકેટમાંથી નિવૃત્તિ લીધા બાદ તેણે કોચિંગ કે કોમેન્ટ્રીનો રસ્તો પસંદ કરવાની જગ્યાએ સુથારીકામ (Carpentry) જેવા વ્યવસાયને અપનાવી સૌને આશ્ચર્યચકિત કરી દીધા છે.
ઝેવિયર ડોહર્ટીએ ઓસ્ટ્રેલિયા માટે 4 ટેસ્ટ, 60 વનડે અને 11 ટી20 આંતરરાષ્ટ્રીય મેચો રમી હતી. વર્ષ 2015ના વર્લ્ડ કપ વિજેતા ઓસ્ટ્રેલિયન સ્ક્વોડમાં તેનો સમાવેશ થયો હતો. જોકે આંતરરાષ્ટ્રીય ક્રિકેટમાં તેની કારકિર્દી લાંબી રહી નહોતી અને બાદમાં તેણે 2017માં ઘરેલુ ક્રિકેટમાંથી પણ નિવૃત્તિ જાહેર કરી હતી.
નિવૃત્તિ બાદ ડોહર્ટીએ પોતાના જીવનમાં નવો અધ્યાય શરૂ કર્યો. તેણે સુથારીકામની તાલીમ લીધી અને આજે એક પ્રશિક્ષિત કાર્પેન્ટર તરીકે કામ કરી રહ્યા છે. ડોહર્ટીનું માનવું છે કે ક્રિકેટ પછી ખાલી બેસી રહેવા કરતાં કોઈ નવું કૌશલ્ય શીખવું વધુ સારું છે. પોતાના હાથથી કામ કરવું તેને ગમે છે અને ખુલ્લા વાતાવરણમાં કામ કરવાની તક મળતી હોવાથી તેણે આ વ્યવસાય પસંદ કર્યો.
ડોહર્ટીની આ સફર ઘણા ખેલાડીઓ માટે પ્રેરણારૂપ બની છે. મોટાભાગના ક્રિકેટરો નિવૃત્તિ બાદ કોમેન્ટેટર, કોચ અથવા ક્રિકેટ વિશ્લેષક તરીકે કારકિર્દી બનાવે છે, પરંતુ ડોહર્ટીએ સંપૂર્ણપણે અલગ માર્ગ અપનાવી બતાવ્યું કે જીવનમાં નવી શરૂઆત કરવા માટે કોઈ પણ કામ નાનું નથી.
તેની કહાની એ સંદેશ આપે છે કે સફળ રમતવીર હોવા છતાં વ્યક્તિ નવી ઓળખ બનાવી શકે છે. ક્રિકેટના મેદાન પર વિકેટો ઝડપનાર ઝેવિયર ડોહર્ટી આજે લાકડાના કામમાં પોતાની કુશળતા સાબિત કરી રહ્યા છે અને પોતાના જીવનનો નવો ઇનિંગ્સ સફળતાપૂર્વક રમી રહ્યા છે.
Xavier Doherty is a former Australian left-arm spinner who played for Australia from 2010 to 2015. He was part of the 2015 ICC Cricket World Cup winning team.
After retiring from cricket, he began working as a qualified carpenter, completing his apprenticeship in Australia.… pic.twitter.com/8MbYbNux2L
— Amit T (@amittalwalkar) July 26, 2026