ભારત અને ઇંગ્લેન્ડ વચ્ચે લોર્ડ્સ ખાતે રમાયેલી ત્રીજી વનડે દરમિયાન એક રસપ્રદ વીડિયો સોશિયલ મીડિયા પર ભારે વાયરલ થયો છે. આ વીડિયોમાં ટીમ ઈન્ડિયાના સિનિયર ખેલાડીઓ રોહિત શર્મા અને વિરાટ કોહલી મુખ્ય કોચ ગૌતમ ગંભીર સાથે હળવા-ફૂલકા અંદાજમાં જોવા મળે છે. સોશિયલ મીડિયા પર કેટલાક યુઝર્સે આ ઘટનાને મજાક તરીકે રજૂ કરી હતી, પરંતુ વીડિયોમાં સ્પષ્ટપણે ટીમના સભ્યો વચ્ચેનો હળવો અને મિત્રતાભર્યો માહોલ જ જોવા મળે છે.
વાયરલ વીડિયોમાં ગૌતમ ગંભીર આગળ ચાલતા જોવા મળે છે, જ્યારે તેની પાછળ વિરાટ કોહલી અને રોહિત શર્મા હસતા અને મસ્તી કરતા નજરે પડે છે. આ દરમિયાન બંનેના હાવભાવને લઈને અનેક પ્રકારની અટકળો સોશિયલ મીડિયા પર ચાલી રહી છે. જોકે, વીડિયોમાં ક્યાંય પણ એવો પુરાવો જોવા મળતો નથી કે બંને ખેલાડીઓ ગંભીરની મજાક ઉડાવી રહ્યા હતા. તેના બદલે સમગ્ર ઘટના ટીમના ડ્રેસિંગ રૂમના હળવા વાતાવરણની સાક્ષી આપે છે.
તાજેતરના દિવસોમાં ગૌતમ ગંભીર અને વિરાટ કોહલીના સંબંધોને લઈને પણ ઘણી ચર્ચાઓ થઈ હતી. જોકે લોર્ડ્સમાં મેચ પહેલાં બંને વચ્ચે હસતાં-વાત કરતાં તસવીરો અને વીડિયો સામે આવ્યા હતા, જેના કારણે તમામ અફવાઓને વિરામ મળ્યો હતો. ભારતીય ટીમના બેટિંગ કોચ સિતાંશુ કોટકે પણ બંને વચ્ચે કોઈ મતભેદ હોવાની વાતને નકારી કાઢી હતી.
મેદાનની વાત કરીએ તો લોર્ડ્સ વનડેમાં રોહિત શર્માએ શાનદાર સદી ફટકારી હતી, જ્યારે વિરાટ કોહલીએ પણ મહત્વપૂર્ણ અડધી સદી નોંધાવી હતી. બંને વચ્ચે મોટી ભાગીદારી છતાં ભારત ઇંગ્લેન્ડ સામે મેચ અને શ્રેણી જીતવામાં નિષ્ફળ રહ્યું. તેમ છતાં રોહિત અને વિરાટની બેટિંગ સાથે મેદાન બહારનો તેમનો હળવો અને મસ્તીભર્યો અંદાજ ચાહકોને ખૂબ પસંદ આવ્યો છે અને આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
Yesterday, after the series loss, Gautam Gambhir looked visibly upset while talking to the support staff. Virat Kohli quietly glanced at him from behind, then nudged Rohit Sharma and joked, “Look at him, he looks like he’s crying.” Virat even gave Rohit a playful look as if to… pic.twitter.com/F9nTvIx64M
— ElysiumCricket (@CricketElysium) July 20, 2026