ભારતીય વનડે ટીમમાં વિકેટકીપરને લઈને હાલ ભારે ચર્ચા ચાલી રહી છે. તાજેતરની રિપોર્ટ્સ અનુસાર Sanju Samsonને ટૂંક સમયમાં ટીમમાં તક મળી શકે છે, જે Rishabh Pant માટે મુશ્કેલી ઊભી કરી શકે છે.
હાલમાં ટીમ ઈન્ડિયામાં KL Rahul વનડે ફોર્મેટમાં પ્રથમ પસંદગીના વિકેટકીપર છે, જ્યારે પંતને બેકઅપ તરીકે જોવામાં આવે છે. પંત ન્યૂઝીલેન્ડ સામેની સિરીઝ દરમિયાન ઈજાના કારણે ટીમમાંથી બહાર થયા હતા, અને ત્યારથી તેની વાપસી સરળ નથી લાગી રહી.
મીડિયા રિપોર્ટ મુજબ સિલેક્ટર્સનું ધ્યાન હાલમાં સંજુ સેમસન પર છે. તેણે તાજેતરમાં ICC Men’s T20 World Cup 2026માં શાનદાર પ્રદર્શન કરી ભારતને જીત અપાવી હતી અને ‘પ્લેયર ઓફ ધ ટૂર્નામેન્ટ’ પણ બન્યા હતા. 2027માં ICC Cricket World Cup 2027ને ધ્યાનમાં રાખીને ટીમ મેનેજમેન્ટ હમણાથી જ તૈયારીઓમાં લાગી ગયું છે. ભારત આ પહેલા લગભગ 20 વનડે મેચ રમવાનું છે, જેમાં અફઘાનિસ્તાન સામે 14 જૂનથી શરૂ થતી સિરીઝ પણ મહત્વપૂર્ણ ગણાય છે.
જો ફોર્મની વાત કરીએ તો ઋષભ પંત IPL 2026માં ખાસ પ્રભાવ પાડી શક્યા નથી. તેણે 8 મેચમાં માત્ર 189 રન બનાવ્યા છે અને તેનો સરેરાશ 27 રહ્યો છે. બીજી તરફ, સંજુ સેમસન શાનદાર ફોર્મમાં છે—8 મેચમાં 304 રન સાથે બે સદી નોંધાવી છે.વનડે આંકડાઓની વાત કરીએ તો પંતે 27 પારીઓમાં 871 રન (સરેરાશ 33.50) બનાવ્યા છે, જ્યારે સંજુ સેમસને માત્ર 16 મેચમાં 510 રન બનાવ્યા છે અને તેમનો સરેરાશ 56.66 રહ્યો છે.
આ પરિસ્થિતિમાં હવે મોટો સવાલ એ છે—શું સંજુ સેમસનને મળશે મોટો મોકો? અને શું ઋષભ પંતને ટીમમાંથી બહાર થવું પડશે?
ક્રિકેટ પ્રેમીઓ માટે આવતા દિવસોમાં સિલેક્શન અંગેનો નિર્ણય ખૂબ જ રસપ્રદ બનવાનો છે.