ઓસ્ટ્રેલિયા મહિલા ક્રિકેટ ટીમની વાઇસ-કેપ્ટન અને સ્ટાર ઓલરાઉન્ડર એશ્લે ગાર્ડનર હાલ પોતાની પર્સનલ લાઇફને લઈને ચર્ચામાં છે. પત્ની મોનિકા રાઈટથી અલગ થયા બાદ ગાર્ડનરે પહેલીવાર આ સમગ્ર મામલે જાહેરમાં પોતાની વાત રજૂ કરી છે. ગાર્ડનરે સોશિયલ મીડિયા મારફતે લોકોને આ મુશ્કેલ સમયમાં તેની પ્રાઈવસીનું સન્માન કરવાની અપીલ કરી છે.
ગાર્ડનર અને મોનિકા રાઈટે એપ્રિલ 2025માં લગ્ન કર્યા હતા. જોકે લગ્નના થોડા જ સમય બાદ બંનેના સંબંધોમાં તણાવ આવ્યો અને હવે બંને અલગ થઈ ગયા છે. આ મામલો ત્યારે વધુ ચર્ચામાં આવ્યો જ્યારે રાઈટે ગાર્ડનર પર ઓસ્ટ્રેલિયન ટીમની સાથી ખેલાડી જ્યોર્જિયા વોલ સાથે અફેર હોવાનો આરોપ લગાવ્યો હતો. રાઈટે આ મુદ્દે ક્રિકેટ ઓસ્ટ્રેલિયાની ભૂમિકા પર પણ સવાલ ઉઠાવ્યા હતા.
હવે ગાર્ડનરે પોતાના નિવેદનમાં જણાવ્યું છે કે આ તેના જીવનનો ખૂબ જ મુશ્કેલ સમય છે. તેણે સ્વીકાર્યું કે વ્યક્તિગત મામલો જાહેર ચર્ચામાં આવવો તેના માટે સરળ નથી. ગાર્ડનરે મોનિકા રાઈટને થયેલી પીડા બદલ માફી પણ માંગી હોવાનું અહેવાલોમાં સામે આવ્યું છે. સાથે જ તેણે સ્પષ્ટ કર્યું કે આ મામલાને લઈને વધુ જાહેર ચર્ચા કરવા કરતાં તેઓ પોતાની અને અન્ય સંબંધિત વ્યક્તિઓની પ્રાઈવસી જાળવવા માંગે છે.
આ વિવાદની અસર ગાર્ડનરની ક્રિકેટ જવાબદારીઓ પર પણ ચર્ચાનો વિષય બની છે. ગાર્ડનર ઓસ્ટ્રેલિયન ટીમની વાઇસ-કેપ્ટન છે. ક્રિકેટ ઓસ્ટ્રેલિયાએ પણ આ સમગ્ર પરિસ્થિતિને ધ્યાનમાં રાખીને ટીમ સિલેક્શન દરમિયાન સંભવિત હિતોના ટકરાવને ટાળવા માટે વ્યવસ્થા કરવાની વાત કરી છે. ગાર્ડનર સંબંધિત ખેલાડીની પસંદગી સાથે જોડાયેલી ચર્ચાઓમાં પોતાને અલગ રાખશે.
આ સમગ્ર મામલે ગાર્ડનરે ક્રિકેટ કરતાં પોતાની વ્યક્તિગત જિંદગીમાં ચાલી રહેલા મુશ્કેલ સમયને મહત્વ આપ્યું છે અને ચાહકો તથા મીડિયાને તેની પ્રાઈવસીનું સન્માન કરવા અપીલ કરી છે.
Ashleigh Gardner Addresses Separation From Ex-Wife Monica Wright Amid Cheating Allegations #ashleighgardner #monicawright https://t.co/pDw3zSRUfL
— LatestLY (@latestly) August 13, 2026