ભારતીય ક્રિકેટના દિગ્ગજ ઓપનર વીરેન્દ્ર સહેવાગ પોતાની આક્રમક બેટિંગ અને શાનદાર શોટ્સ માટે જાણીતા હતા. હવે તેમના પુત્ર આર્યવીર સહેવાગ પણ પોતાની બેટિંગથી ક્રિકેટ ચાહકોનું ધ્યાન ખેંચી રહ્યો છે. દિલ્હી પ્રીમિયર લીગ (DPL) 2026 દરમિયાન આર્યવીરે એવા કેટલાક શોટ્સ રમ્યા, જેમાં તેના પિતા વીરેન્દ્ર સહેવાગની ઝલક જોવા મળી રહી છે.
આર્યવીર ખાસ કરીને સ્ક્વેર ડ્રાઇવ અને કવર ડ્રાઇવ રમતો જોવા મળ્યો. તેના શોટ્સની સ્ટાઇલ અને બેટિંગનો અંદાજ જોઈને ચાહકોને જૂના સમયના વીરેન્દ્ર સહેવાગ યાદ આવી ગયા. DPL તરફથી પણ પિતા-પુત્રની બેટિંગ સ્ટાઇલની સરખામણી કરતો વીડિયો સોશિયલ મીડિયા પર શેર કરવામાં આવ્યો છે. આ વીડિયો વાયરલ થયા બાદ ક્રિકેટપ્રેમીઓ આર્યવીરના ટેલેન્ટના વખાણ કરી રહ્યા છે.
આર્યવીર હાલમાં દિલ્હી પ્રીમિયર લીગમાં વેસ્ટ દિલ્હી લાયન્સનું પ્રતિનિધિત્વ કરી રહ્યો છે. તાજેતરની મેચમાં વેસ્ટ દિલ્હી લાયન્સનો સામનો સેન્ટ્રલ દિલ્હી કિંગ્સ સામે થયો હતો. સેન્ટ્રલ દિલ્હી કિંગ્સે પ્રથમ બેટિંગ કરીને 20 ઓવરમાં 232 રન બનાવ્યા હતા. જવાબમાં વેસ્ટ દિલ્હી લાયન્સની ટીમ 211 રન સુધી પહોંચી શકી અને 21 રનથી મેચ હારી ગઈ.
આર્યવીરનો ક્રિકેટ પ્રત્યેનો રસ અને તેની બેટિંગ ક્ષમતા અગાઉ પણ ચર્ચામાં રહી છે. 2025માં તેણે દિલ્હી પ્રીમિયર લીગમાં સેન્ટ્રલ દિલ્હી કિંગ્સ તરફથી ડેબ્યૂ કર્યું હતું અને શરૂઆતથી જ પોતાના આક્રમક શોટ્સથી ધ્યાન ખેંચ્યું હતું.
વીરેન્દ્ર સહેવાગે આંતરરાષ્ટ્રીય ક્રિકેટમાં પોતાની અલગ ઓળખ બનાવી હતી. હવે તેના પુત્ર આર્યવીર પણ ક્રિકેટના મેદાન પર આગળ વધી રહ્યો છે. જોકે આર્યવીર પર સહેવાગ નામનું મોટું દબાણ છે, પરંતુ જો તે પોતાની પ્રતિભાને સતત નિખારતો રહેશે તો ભવિષ્યમાં ભારતીય ક્રિકેટમાં પોતાની અલગ ઓળખ બનાવવાની તેની પાસે સારી તક છે.
\
DPL में दिखा वीरेंद्र सहवाग के बेटे आर्यवीर का जलवा, पिता के अंदाज में लगाए शानदार कवर और स्क्वायर ड्राइवhttps://t.co/wUDa9J4PSF
— India TV (@indiatvnews) August 25, 2026