પાકિસ્તાનના પૂર્વ ફાસ્ટ બોલર મોહમ્મદ આમિરને ઇંગ્લેન્ડની પ્રતિષ્ઠિત ક્રિકેટ લીગ ધ હન્ડ્રેડમાં મોટી તક મળી છે. ઇંગ્લેન્ડ એન્ડ વેલ્સ ક્રિકેટ બોર્ડ (ECB)એ ટ્રેન્ટ રોકેટ્સને ઇજાગ્રસ્ત ડેવિડ પેઇનની જગ્યાએ મોહમ્મદ આમિરને લોકલ પ્લેયર તરીકે ટીમમાં સામેલ કરવાની મંજૂરી આપી છે. જોકે આ નિર્ણયને લઈને અન્ય કેટલીક ફ્રેન્ચાઇઝીઓએ અસંતોષ પણ વ્યક્ત કર્યો હોવાનું જણાવવામાં આવ્યું છે.
આમિર માર્ચ મહિનામાં યોજાયેલી ધ હન્ડ્રેડની હરાજીમાં ઓવરસીઝ ખેલાડી તરીકે નોંધાયેલા હતા, પરંતુ તેને કોઈ ટીમે ખરીદ્યા નહોતા. ત્યારબાદ તાજેતરમાં તેને બ્રિટિશ નાગરિકત્વ મળતાં તેઓ લોકલ પ્લેયર તરીકે રમવા માટે પાત્ર બન્યા. આ બદલાવ બાદ ટ્રેન્ટ રોકેટ્સે ઇજાગ્રસ્ત ડેવિડ પેઇનની જગ્યાએ તેને પોતાની ટીમમાં સામેલ કરવાનો નિર્ણય લીધો.
ધ હન્ડ્રેડના નિયમો મુજબ લોકલ ખેલાડીઓ અને વિદેશી ખેલાડીઓ માટે અલગ ક્વોટા હોય છે. આમિર હવે બ્રિટિશ નાગરિક હોવાને કારણે લોકલ ક્વોટામાં સામેલ થઈ શકશે, જેના કારણે ટ્રેન્ટ રોકેટ્સને પોતાની ટીમની રચનામાં વધુ લવચીકતા મળશે. જોકે અન્ય કેટલીક ટીમોનું માનવું છે કે હરાજી બાદ આ પ્રકારનો બદલાવ સ્પર્ધાની સમાનતા અંગે પ્રશ્નો ઉભા કરી શકે છે.
મોહમ્મદ આમિર વિશ્વ ક્રિકેટમાં અનુભવી ડાબોડી ફાસ્ટ બોલર તરીકે ઓળખાય છે. આંતરરાષ્ટ્રીય ક્રિકેટ ઉપરાંત તેણે પાકિસ્તાન સુપર લીગ (PSL), કેરેબિયન પ્રીમિયર લીગ (CPL), બિગ બેશ લીગ (BBL) સહિત અનેક ટી20 લીગોમાં પોતાની બોલિંગથી પ્રભાવ છોડી છે. હવે ધ હન્ડ્રેડમાં ટ્રેન્ટ રોકેટ્સ તરફથી રમવાની તક મળતાં ચાહકોની નજર તેની પર રહેશે. આમિરનું આ કમબેક ટૂર્નામેન્ટ માટે પણ ચર્ચાનો વિષય બન્યું છે અને હવે જોવાનું રહેશે કે તેઓ પોતાની નવી ટીમ માટે કેટલા અસરકારક સાબિત થાય છે.
The ECB has approved Trent Rockets’ signing of Mohammad Amir as a replacement for the injured David Payne as a local player, despite some disquiet from other franchises.
Amir went unsold as an overseas player in the auction in March, but has since qualified as a local player… pic.twitter.com/bHxPm3XHuW
— Cricinfo (@cricinfo) July 10, 2026