ભારત અને પાકિસ્તાન વચ્ચે રમાયેલી મહિલા ટી20 વર્લ્ડ કપ 2026ની હાઇ-વોલ્ટેજ મેચ બાદ એક અનોખો વિવાદ સામે આવ્યો છે. અહેવાલો મુજબ, પાકિસ્તાનની ટીમ હારની નજીક પહોંચતાં જ એક પાકિસ્તાની ટીવી ચેનલે મહિલા ટી20 વર્લ્ડ કપનું લાઇવ પ્રસારણ બંધ કરીને FIFA વર્લ્ડ કપ સંબંધિત કાર્યક્રમ પ્રસારિત કરવાનું શરૂ કરી દીધું. આ ઘટનાનો વીડિયો સોશિયલ મીડિયા પર ઝડપથી વાયરલ થયો છે અને ક્રિકેટ ચાહકોમાં ભારે ચર્ચાનો વિષય બન્યો છે.
એજબાસ્ટન ખાતે રમાયેલી આ મેચમાં ભારતે પ્રથમ બેટિંગ કરતાં 170 રનનો મજબૂત સ્કોર ઉભો કર્યો હતો. સ્મૃતિ મંધાનાની અડધી સદી અને ઋચા ઘોષની ઝડપી ઇનિંગ્સે ભારતને મજબૂત સ્થિતિમાં પહોંચાડ્યું હતું. જવાબમાં પાકિસ્તાનની ટીમ સારી શરૂઆત છતાં દબાણમાં આવી ગઈ અને નિયમિત અંતરે વિકેટ ગુમાવતી રહી. અંતે ભારતે 64 રનથી ભવ્ય જીત નોંધાવી હતી.
મેચ દરમિયાન દીપ્તિ શર્માએ શાનદાર બોલિંગ કરતાં પાંચ વિકેટ ઝડપી હતી, જેના કારણે પાકિસ્તાનની બેટિંગ સંપૂર્ણપણે તૂટી પડી હતી. ભારતની આ જીત મહિલા ટી20 વર્લ્ડ કપમાં સૌથી ચર્ચિત મુકાબલાઓમાંથી એક બની છે.
પાકિસ્તાની ચેનલ દ્વારા પ્રસારણ બદલવામાં આવ્યાની ઘટનાને લઈને સોશિયલ મીડિયા પર મીમ્સ અને જોક્સની ભરમાર જોવા મળી રહી છે. ઘણા ચાહકોએ ટિપ્પણી કરી કે ટીમની હાર જોવાની જગ્યાએ ચેનલે ફૂટબોલ દર્શાવવાનું વધુ યોગ્ય માન્યું. જોકે, ચેનલ તરફથી આ મામલે કોઈ સત્તાવાર સ્પષ્ટતા આપવામાં આવી નથી. તેમ છતાં, ભારતની જીત જેટલી ચર્ચામાં રહી, એટલી જ ચર્ચા આ પ્રસારણ વિવાદની પણ થઈ રહી છે.
So PAK national Sports channel PTV switched from Cricket to Football despite the match not finished yet and it was a match b/w #INDvsPAK…So they switched from cricket to football mid match as PAK was in the process of facing yet another humiliating loss pic.twitter.com/xbpCI1JMeg
— Cover Drive (@day6596) June 14, 2026