રવિવારે ભારત અને પાકિસ્તાન વચ્ચે T20 વર્લ્ડ કપની હાઈ-પ્રોફાઈલ મેચ રમાશે. ન્યૂયોર્કના નાસાઉ સ્ટેડિયમમાં યોજાનારી મેચ પહેલા પાકિસ્તાન ટીમનું ટેન્શન વધી ગયું છે.
અમેરિકા સામેની હાર બાદ પાકિસ્તાનની ટીમ આઘાતમાં છે, પરંતુ હવે તેણે રાહતનો શ્વાસ લીધો છે. પાકિસ્તાનની ટીમમાં એક શક્તિશાળી ઓલરાઉન્ડરનો પ્રવેશ થયો છે. વાસ્તવમાં, ઈમાદ વસીમ ઈજાના કારણે પ્રથમ મેચમાંથી બહાર થઈ ગયો હતો. હવે તે ભારત સામેની મેચ પહેલા ફિટ છે.
પાકિસ્તાનના કોચ ગેરી કર્સ્ટને શનિવારે પુષ્ટિ કરી છે કે ઓલરાઉન્ડર ઇમાદ વસીમ ફિટ છે. ફિટનેસ ટેસ્ટ બાદ તેને લીલી ઝંડી મળી ગઈ છે. તે ન્યૂયોર્કમાં ટી20 વર્લ્ડ કપ 2024ની બહુપ્રતીક્ષિત મેચમાં રમશે. ઇમાદ વસીમ ગયા મહિને ઇંગ્લેન્ડ સામે ટી-20 શ્રેણી રમ્યો હતો.
JUST IN: Imad Wasim has passed a fitness test and will play for Pakistan against India tomorrow in New York 🇵🇰#INDvPAK | #T20WorldCup pic.twitter.com/ZSYQc3AbNK
— ESPNcricinfo (@ESPNcricinfo) June 8, 2024
કર્સ્ટને કહ્યું કે અમે યુએસએ સામેની હારમાંથી પાછા ફરીશું. T20 ક્રિકેટમાં વસ્તુઓ ખૂબ જ ઝડપથી બદલાય છે. જોકે, કર્સ્ટને પ્લેઈંગ ઈલેવનને લઈને મૂંઝવણ વ્યક્ત કરી હતી. તેણે કહ્યું કે અમે કેટલાક ખેલાડીઓની ફિટનેસ પર વિચાર કરી રહ્યા છીએ. હાલમાં પ્લેઇંગ ઇલેવન નક્કી કરવામાં આવી નથી.
ઇમાદ વસીમ ડાબા હાથનો ઓર્થોડોક્સ બોલર છે. તેણે 72 T-20 આંતરરાષ્ટ્રીય મેચમાં 70 વિકેટ લીધી છે. જ્યારે બેટથી 535 રન બનાવ્યા હતા. આ ઓલરાઉન્ડર હાઈ પ્રેશર મેચોમાં કેવું પ્રદર્શન કરે છે તે જોવું રસપ્રદ રહેશે.