T20 વર્લ્ડ કપ 2024માં ઓસ્ટ્રેલિયાની ટીમે ઈંગ્લેન્ડને 36 રને હરાવ્યું છે. આ મેચમાં ઈંગ્લેન્ડના કેપ્ટન જોસ બટલરે ટોસ જીતીને પ્રથમ બોલિંગ કરવાનો નિર્ણય કર્યો હતો.
બેટ્સમેનોના શાનદાર પ્રદર્શનને કારણે ઓસ્ટ્રેલિયાએ 201 રન બનાવ્યા હતા. આ પછી ઈંગ્લેન્ડની ટીમ ટાર્ગેટનો પીછો કરતા 165 રન જ બનાવી શકી હતી. આ રીતે ઓસ્ટ્રેલિયાની ટીમે વિજય હાંસલ કર્યો હતો. ઓસ્ટ્રેલિયાએ 2007થી ટી20 વર્લ્ડ કપમાં ઈંગ્લેન્ડ સામે જીત મેળવી છે.
આ મેચમાં ઓસ્ટ્રેલિયન ટીમ માટે ડેવિડ વોર્નરે સૌથી વધુ 39 રન બનાવ્યા હતા. વોર્નર અને ટ્રેવિસ હેડની જોડીએ ઓસ્ટ્રેલિયાને મજબૂત શરૂઆત અપાવી હતી. હેડે 34 રનની ઇનિંગ રમી હતી. તે સારી સ્થિતિમાં હોય તેવું લાગતું હતું. પરંતુ તે જોફ્રા આર્ચર દ્વારા ક્લીન બોલ્ડ થયો હતો. કેપ્ટન મિચેલ માર્શ 35 રન બનાવી શક્યો હતો. ઓસ્ટ્રેલિયા તરફથી કોઈપણ ખેલાડી અડધી સદી ફટકારી શક્યો ન હતો અને ટીમે 201 રન બનાવ્યા હતા.
આ પછી ઈંગ્લેન્ડ તરફથી કેપ્ટન જોસ બટલરે સૌથી વધુ રન બનાવ્યા. તેણે 42 રનનું યોગદાન આપ્યું હતું. તેના સિવાય ફિલ સોલ્ટે 37 રન બનાવ્યા હતા. હેરી બ્રુકે 16 બોલમાં 20 અને મોઈન અલીએ 15 બોલમાં 25 રન બનાવ્યા હતા. પરંતુ આ ખેલાડીઓ ટીમને જીત તરફ લઈ જઈ શક્યા ન હતા અને ઈંગ્લેન્ડની ટીમ 20 ઓવરમાં 6 વિકેટના નુકસાન પર 165 રન જ બનાવી શકી હતી.
T20 વર્લ્ડ કપ મેચમાં અડધી સદી ફટકાર્યા વિના સૌથી વધુ રન:
366 ઓસ્ટ્રેલિયા વિ ઈંગ્લેન્ડ, 2024
327 દક્ષિણ આફ્રિકા વિ ન્યુઝીલેન્ડ, 2010
311 આયર્લેન્ડ વિ ઓમાન, 2016
303 ઈંગ્લેન્ડ વિરુદ્ધ ભારત, 2009