ભારતીય ક્રિકેટ ટીમના નવા T20 કેપ્ટન Shreyas Iyerએ આયર્લેન્ડ સામેની પ્રથમ T20 મેચમાં મેદાન પર ઉતરતાની સાથે જ એક ઐતિહાસિક સિદ્ધિ પોતાના નામે કરી છે. કેપ્ટન તરીકેના T20 આંતરરાષ્ટ્રીય ડેબ્યૂમાં જ તેણે પૂર્વ કેપ્ટન Rohit Sharmaનો લાંબા સમયથી અડગ રહેલો રેકોર્ડ તોડી નાખ્યો છે.
શ્રેયસ અય્યર ભારત માટે T20 આંતરરાષ્ટ્રીય ક્રિકેટમાં કેપ્ટન બનતા પહેલા સૌથી વધુ મેચ રમનાર ખેલાડી બન્યા છે. તેણે ભારત માટે કેપ્ટન તરીકેની પ્રથમ T20 મેચ રમતા પહેલા કુલ 114 T20 આંતરરાષ્ટ્રીય મેચો રમી હતી. આ સાથે તેણે રોહિત શર્માનો 80 મેચોનો રેકોર્ડ પાછળ છોડી દીધો. આ યાદીમાં Virat Kohli (72), KL Rahul (42), Rishabh Pant (30) અને Shikhar Dhawan (21) જેવા દિગ્ગજ ખેલાડીઓનો પણ સમાવેશ થાય છે.
આ ઉપરાંત અય્યરે વધુ એક વિશેષ સિદ્ધિ પણ હાંસલ કરી છે. 31 વર્ષ અને 202 દિવસની ઉંમરે તેઓ ભારત માટે T20 કેપ્ટન તરીકે ડેબ્યૂ કરનાર ત્રીજા સૌથી વયસ્ક ખેલાડી બન્યા છે. આ યાદીમાં શિખર ધવન અને Suryakumar Yadav તેની આગળ છે.
લાંબા સમય બાદ ભારતીય T20 ટીમમાં વાપસી કરનાર શ્રેયસ અય્યરને સીધી કેપ્ટનશિપ સોંપવામાં આવતાં ટીમ મેનેજમેન્ટે તેના અનુભવ પર વિશ્વાસ વ્યક્ત કર્યો છે. જોકે તેની કેપ્ટનશિપની શરૂઆત ઐતિહાસિક રેકોર્ડ સાથે થઈ હોવા છતાં ભારતને આયર્લેન્ડ સામે હારનો સામનો કરવો પડ્યો હતો. તેમ છતાં વ્યક્તિગત રીતે અય્યર માટે આ ડેબ્યૂ યાદગાર બની ગયું છે અને ભારતીય ક્રિકેટમાં તેના નેતૃત્વના નવા અધ્યાયની ચર્ચા શરૂ થઈ ગઈ છે.
Big shoes to fill but Shreyas Iyer arrives with plenty of experience to do it 🧢#IREvIND #ShreyasIyer #SuryakumarYadav pic.twitter.com/PxnferHSku
— Cricbuzz (@cricbuzz) June 26, 2026