ટી-20 વર્લ્ડ કપ 2021માં ભારત અને પાકિસ્તાન 24 ઓક્ટોબરે સ્પર્ધા કરવા જઈ રહ્યા છે. આ હાઇ વોલ્ટેજ મેચ માટે બંને ટીમોની પ્લેઇંગ ઇલેવન શું હશે, આ સવાલ ચાહકોના મનમાં છે. એક તરફ ટીમ ઈન્ડિયાની પ્લેઈંગ ઈલેવનને આઈડિયા નથી મળી રહ્યો, તો બીજી બાજુ, તેનાથી વિપરીત પાકિસ્તાનની પ્લેઈંગ ઈલેવન ક્લિયર થઈ ગઈ છે.
પાકિસ્તાની મીડિયા રિપોર્ટ્સ અનુસાર, બાબર આઝમ ભારત સામે તે જ ટીમને મેદાનમાં ઉતારશે જે દક્ષિણ આફ્રિકા સામેની મેચમાં ઉતરી હતી. મતલબ પાકિસ્તાનની ટીમમાં 2 સ્પિનર અને 3 ફાસ્ટ બોલર હશે. આ સિવાય પાકિસ્તાની ટીમ બે ઓલરાઉન્ડરો સાથે મેદાનમાં ઉતરશે જે કોઈ બોલરનો ખરાબ દિવસ હોય તો બાકીની ઓવર ફેંકશે.
પાકિસ્તાની ટીમના કેપ્ટન ખુદ બાબર આઝમ હશે અને માત્ર વિકેટકીપર મોહમ્મદ રિઝવાન તેની સાથે રહેશે. ફખર ઝમાને ત્રીજા નંબરે પોતાનું સ્થાન કન્ફર્મ કર્યું છે. આ ડાબોડી ખેલાડી રંગમાં છે અને તેણે બંને વોર્મ-અપ મેચમાં રન બનાવ્યા છે. મધ્યમ ક્રમમાં મોહમ્મદ હાફીઝ અને શોએબ મલિકના રૂપમાં બે અનુભવી ખેલાડીઓ હશે અને ત્યારબાદ વિસ્ફોટક બેટ્સમેન આસિફ અલી છઠ્ઠા નંબરે મેદાનમાં ઉતરશે.
ભારત સામે પાકિસ્તાનની સંભવિત પ્લેઇંગ ઇલેવન – મોહમ્મદ રિઝવાન, બાબર આઝમ, ફખર ઝમાન, મોહમ્મદ હાફીઝ, શોએબ મલિક, આસિફ અલી, હસન અલી, શાદાબ ખાન, ઇમાદ વસીમ, શાહીન આફ્રિદી, હરીસ રઉફ.