બેન સ્ટોક્સે આપી ભારતને ચેતાવણી કહ્યું, અમે ‘બેઝબોલ’ સ્ટાઇલ જ રમીશું

આજકાલ ક્રિકેટની ડિક્શનરીમાં એક નવો શબ્દ ઘણો સાંભળવા મળે છે, ‘બેઝબોલ’, આ એક શબ્દને કારણે ખેલાડીઓ ખૂબ જ ડરી જાય છે.

વાસ્તવમાં વાત એ છે કે ઈંગ્લેન્ડ ક્રિકેટ ટીમે હવે ટેસ્ટ મેચ રમવાની રીતને સંપૂર્ણપણે બદલી નાખી છે અને આ ક્રાંતિ ત્યારે થઈ જ્યારે ન્યૂઝીલેન્ડના પૂર્વ કેપ્ટન બ્રેન્ડન મેક્કુલમે ઈંગ્લેન્ડ ક્રિકેટ ટીમને કોચિંગ આપવાનું શરૂ કર્યું.

આજકાલ ટીમોને ‘બેઝબોલ’ નામ સાંભળતાં જ પરસેવો આવવા લાગે છે. હવે આ બેઝબોલ ટીમ ભારતની ધરતી પર જવા માટે તૈયાર છે. હવે એ જોવાનું રસપ્રદ રહેશે કે ઈંગ્લેન્ડ ક્રિકેટ ટીમના આ ખેલાડીઓ ટર્નિંગ પિચમાં પોતાને કેવી રીતે સાબિત કરી શકે છે.

ઈંગ્લેન્ડના કેપ્ટન બેન સ્ટોક્સ ઓવલ મેદાન પર આયોજિત પ્રેસ કોન્ફરન્સમાં બેઠો હતો અને તેને તાજેતરમાં સમાપ્ત થયેલી એશિઝ શ્રેણી સંબંધિત પ્રશ્નો પૂછવામાં આવી રહ્યા હતા. તેમાંથી એક પત્રકારે કહ્યું, ‘શું તમે ભારતની ધરતી પર આ ‘બેઝબોલ’ ચાલુ રાખશો?’ આના પર ઈંગ્લેન્ડના કેપ્ટન બેન સ્ટોક્સે કટાક્ષ કરતા કહ્યું- ‘જ્યારે અમે ન્યૂઝીલેન્ડને 3-0થી હરાવ્યું ત્યારે બધાએ કહ્યું કે અમે દક્ષિણ આફ્રિકા સામે આ ન કરી શક્યા, પાકિસ્તાન સામે ન થાય, ઓસ્ટ્રેલિયા સામે ન થાય પણ અમે કરી બતાવ્યું. તો આવી સ્થિતિમાં અમે ટીમ ઈન્ડિયા સામે પણ આવી રીતે રમવાના છે.

Ben Stokes on whether Bazball will work in India or not. pic.twitter.com/5QN26ThhSK

— Mufaddal Vohra (@mufaddal_vohra) August 1, 2023

ઈંગ્લેન્ડની ટીમ તે પ્રવાસ પર ભારતીય ટીમ સામે 5 મેચની ટેસ્ટ શ્રેણી રમશે. તે શ્રેણીની પ્રથમ ટેસ્ટ મેચ 25 જાન્યુઆરીએ હૈદરાબાદના મેદાન પર રમાશે. હવે અહીં જોવાનું ખૂબ જ રસપ્રદ રહેશે કે ઇંગ્લેન્ડની ટીમ ભારતીય પિચો પર કેવું પ્રદર્શન કરે છે.