આયરલેન્ડ ક્રિકેટ ટીમે ન્યૂઝીલેન્ડ સામે 27 મે થી બેલફાસ્ટમાં રમાનાર ઐતિહાસિક ટેસ્ટ મેચ માટે 14 સભ્યોની ટીમ જાહેર કરી છે. આ પ્રથમ વખત હશે જ્યારે Ireland cricket team અને New Zealand national cricket team ટેસ્ટ ક્રિકેટમાં આમને-સામને ટકરાશે. યુવા ખેલાડીઓ પર વિશ્વાસ મૂકતા આયરલેન્ડે ચાર નવા ચહેરાઓને સ્ક્વોડમાં સ્થાન આપ્યું છે, જેના કારણે આ મેચ પ્રત્યે ક્રિકેટ ચાહકોમાં ખાસ ઉત્સાહ જોવા મળી રહ્યો છે.
ટીમમાં ઓપનર જેક ઈગન તેમજ ઝડપી બોલરો ટોમ મેયસ, રૂબેન વિલ્સન અને લિયામ મેકકાર્થીનો સમાવેશ કરવામાં આવ્યો છે. ઈગન અને વિલ્સન હજુ સુધી આંતરરાષ્ટ્રીય ક્રિકેટમાં ડેબ્યૂ કરી શક્યા નથી, જ્યારે મેયસ અને મેકકાર્થી મર્યાદિત ઓવરના ફોર્મેટમાં આયરલેન્ડ માટે રમી ચૂક્યા છે. 22 વર્ષીય જેક ઈગને તાજેતરમાં એમરાલ્ડ ચેલેન્જમાં શાનદાર સદી ફટકારી હતી, જેના કારણે પસંદગીકારોનું ધ્યાન તેની તરફ ગયું હતું. બીજી તરફ 19 વર્ષીય રૂબેન વિલ્સનને આયરલેન્ડનો આગામી પ્રતિભાશાળી ફાસ્ટ બોલર માનવામાં આવે છે.
ટીમની કમાન અનુભવી બેટ્સમેન Andrew Balbirnie સંભાળશે. જોકે, ટીમને મોટો ઝટકો ત્યારે લાગ્યો જ્યારે સ્ટાર બેટ્સમેન Paul Stirling ઈજાના કારણે બહાર થઈ ગયા. તેઓ ઘૂંટણની સમસ્યા અને ગ્રેડ-2C સ્ટ્રેનથી પીડાઈ રહ્યા છે. ઉપરાંત ઝડપી બોલર બેરી મેકકાર્થી ACL ઈજાના કારણે આખા વર્ષ માટે બહાર છે. જોશ લિટલ, ગેવિન હોય અને જોર્ડન નીલ પણ ઈજાના કારણે ઉપલબ્ધ નહોતા.
આ એકમાત્ર ટેસ્ટ મેચ બેલફાસ્ટના સ્ટોર્મોન્ટ સ્થિત civil સર્વિસ ક્રિકેટ ક્લબ ખાતે રમાશે. યુવા ખેલાડીઓથી સજ્જ આયરલેન્ડની ટીમ હવે ન્યૂઝીલેન્ડ સામે ઈતિહાસ રચવાના ઈરાદા સાથે મેદાનમાં ઉતરશે.
Squad named for next week’s Test at Stormont! ☘️
🗞️ More: https://t.co/QcYhxPeB6M#BackingGreen | #FailteSolar pic.twitter.com/GpG8UYdDsr
— Cricket Ireland (@cricketireland) May 22, 2026