ભારતીય ટીમના બેટ્સમેન લોકેશ રાહુલે ઓસ્ટ્રેલિયાના સ્ટીવ સ્મિથને પ્રભાવિત કર્યા છે….
કોરોના વાયરસને કારણે ત્રણ મહિનાથી ક્રિકેટ ટુર્નામેન્ટ યોજાઇ નથી. એવામાં ક્રિકેટ ટૂર્નામેન્ટ્સ આવતા મહિનાથી ઇંગ્લેન્ડ અને વેસ્ટ ઇન્ડીઝ શ્રેણીમાંથી રમવાની છે. જોકે, ટીમ ઈન્ડિયા આ વર્ષે ઓસ્ટ્રેલિયામાં સંભાવીત ટેસ્ટ શ્રેણી રમશે. ત્યારે આ શ્રેણી પહેલા ઓસ્ટ્રેલિયાના સ્ટાર ખેલાડી સ્ટીવ સ્મિથે કેએલ રાહુલની પ્રશંસા કરી છે.
ભારતીય ટીમના બેટ્સમેન લોકેશ રાહુલે ઓસ્ટ્રેલિયાના સ્ટીવ સ્મિથને પ્રભાવિત કર્યા છે. સ્મિથ તેના પ્રશંસકોના ઇન્સ્ટાગ્રામ પરના પ્રશ્નોના જવાબ આપી રહ્યો હતો અને આ દરમિયાન તેણે આ વાત કહી.
જ્યારે તેમને પૂછવામાં આવ્યું કે કયા ખેલાડીએ તેને સૌથી વધુ પ્રભાવિત કર્યા છે, ત્યારે તેમણે કહ્યું કે, “લોકેશ રાહુલ એક મહાન ખેલાડી છે.”
આ ઉપરાંત તેને જણાવ્યું કે, હું આ શ્રેણી માટે બહુ ઉત્સાહી છું. હું રાહ જોઈ રહ્યો છું.
સ્મિથે ભારતના રવિન્દ્ર જાડેજાને હાલના સર્વશ્રેષ્ઠ ફીલ્ડર ગણાવ્યા છે અને મહેન્દ્રસિંહ ધોનીને લેજેન્ડ ગણાવી છે. સ્મિથે આઈપીએલને પણ તેની પ્રિય ટુર્નામેન્ટ ગણાવી હતી અને કહ્યું હતું કે, “આઈપીએલને હરાવવું સહેલું નથી. અહીં તમને દુનિયાભરના શ્રેષ્ઠ ખેલાડીઓની સાથે અને તેની સામે રમવાની તક મળે છે.”
તમને જણાવી દઇએ કે ગત વર્ષે સ્ટીવ સ્મિથે આંતરરાષ્ટ્રીય ક્રિકેટમાં પાછલા વર્ષે પુનરાગમન કર્યું હતું. સ્ટીવ સ્મિથે પુનરાગમન કર્યું અને એશિઝ શ્રેણી બચાવવામાં મુખ્ય ભૂમિકા ભજવી. સ્ટીવ સ્મિથ હાલમાં ટેસ્ટ રેન્કિંગમાં પ્રથમ નંબરે છે.