ICC વર્લ્ડ કપ 2023માં ભારતીય ક્રિકેટ ટીમની અજેય સફર ચાલુ છે. કોલકાતાના ઈડન ગાર્ડન્સ સ્ટેડિયમમાં રવિવારે રમાયેલી મેચમાં ટીમ ઈન્ડિયાએ દક્ષિણ આફ્રિકાને 243 રનથી હરાવ્યું હતું.
આ વર્લ્ડ કપમાં મોટો સ્કોર બનાવવામાં માહિર દક્ષિણ આફ્રિકાની ટીમ ભારતીય બોલિંગ આક્રમણ સામે માત્ર 83 રન સુધી જ સિમિત રહી ગઈ હતી. આ મેચમાં ટીમ ઈન્ડિયાના સ્ટાર બેટ્સમેન વિરાટ કોહલીએ પોતાની 49મી ODI ઈન્ટરનેશનલ સદી ફટકારી હતી. વિરાટ કોહલી પણ 5મી નવેમ્બરે પોતાનો 35મો જન્મદિવસ ઉજવી રહ્યો હતો અને તેણે પોતાની 49મી ODI સદી ભેટમાં આપી.
આ રીતે વન-ડે ઈન્ટરનેશનલ ક્રિકેટમાં સૌથી વધુ સદી ફટકારવાના મામલે વિરાટ કોહલીએ માસ્ટર બ્લાસ્ટર સચિન તેંડુલકરની બરાબરી કરી લીધી છે. ICC વર્લ્ડ કપ 2023માં આજે શ્રીલંકા અને બાંગ્લાદેશની મેચ રમાવાની છે અને આ મેચ પહેલા કુસલ મેન્ડિસે શ્રીલંકા વતી મેચ પહેલાની પ્રેસ કોન્ફરન્સમાં હાજરી આપી હતી. આ પ્રેસ કોન્ફરન્સમાં તેને વિરાટ વિશે એક સવાલ પૂછવામાં આવ્યો હતો, જેનો તેણે એવો જવાબ આપ્યો કે ફેન્સ ગુસ્સે થઈ ગયા.
રિપોર્ટરે કુસલ મેન્ડિસને પૂછ્યું, ‘વિરાટે હાલમાં જ તેની 49મી ODI સદી ફટકારી છે, શું તમે તેને અભિનંદન આપવા માંગો છો?’ આના જવાબમાં કુસલ મેન્ડિસે કહ્યું, ‘હું તેને શા માટે અભિનંદન આપીશ?’ કુસલ મેન્ડિસે હસીને આ જવાબ આપ્યો, પરંતુ ચાહકોને તેનો જવાબ બિલકુલ પસંદ ન આવ્યો અને તેઓ તેને સોશિયલ મીડિયા પર સારા અને ખરાબ પણ કહી રહ્યા છે.
Journalist " Virat Just scored his 49th ODI ton. Do you like to congratulate him?"
Kusak Mendis" Why I would congratulate him"😭😭😭#INDvSA #INDvsSA #SAvIND #ViratKohli #CWC2023 pic.twitter.com/DAqh2oeO5e
— Out Of Context Cricket PK (@GemsOfCrickett) November 5, 2023