આયર્લેન્ડ સામે 5 ઓગસ્ટથી શરૂ થનારી પાંચ મેચોની વનડે શ્રેણી માટે અફઘાનિસ્તાન ક્રિકેટ બોર્ડ (ACB)એ 15 સભ્યોની ટીમ જાહેર કરી છે. આ ટીમની સૌથી મોટી ખાસિયત એ છે કે અનુભવી બેટ્સમેન રહમત શાહ પ્રથમ વખત અફઘાનિસ્તાનની વનડે ટીમના નિયમિત કેપ્ટન તરીકે મેદાનમાં ઉતરશે. તાજેતરમાં હશમતુલ્લાહ શાહિદીએ સુકાનીપદ છોડ્યા બાદ બોર્ડે રહમત શાહ પર વિશ્વાસ વ્યક્ત કર્યો છે.
ટીમની પસંદગીમાં સૌથી વધુ ચર્ચા અનુભવી ઓલરાઉન્ડર મોહમ્મદ નબીને બહાર રાખવાની થઈ રહી છે. નબી આ શ્રેણી માટે ઉપલબ્ધ નથી અને તેઓ હાલ ગ્લોબલ સુપર લીગમાં વ્યસ્ત હોવાથી તેને ટીમમાં સ્થાન આપવામાં આવ્યું નથી. બીજી તરફ, ડાબોડી ઝડપી બોલર ફઝલહક ફારૂકી અને યામીન અહમદઝાઈની ટીમમાં વાપસી થઈ છે, જેનાથી અફઘાનિસ્તાનનો પેસ આક્રમણ વધુ મજબૂત બનશે. જ્યારે સ્પિનર મુજીબ ઉર રહમાન ઈજાના કારણે પસંદગી માટે ઉપલબ્ધ નહોતા.
રહમત શાહ માટે આ શ્રેણી એક મોટી કસોટી માનવામાં આવી રહી છે. છેલ્લા કેટલાક વર્ષોથી તેઓ ટીમના મહત્વપૂર્ણ બેટ્સમેન રહ્યા છે અને ઉપ-સુકાની તરીકે પણ જવાબદારી સંભાળી ચૂક્યા છે. હવે સંપૂર્ણ સમયના કેપ્ટન તરીકે તેમની પાસે ટીમને નવી દિશા આપવાની તક છે. અફઘાનિસ્તાન ક્રિકેટ બોર્ડને આશા છે કે તેના નેતૃત્વ હેઠળ ટીમ સતત સારું પ્રદર્શન કરશે.
આયર્લેન્ડ અને અફઘાનિસ્તાન વચ્ચેની આ પાંચ મેચોની વનડે શ્રેણી 5 ઓગસ્ટથી શરૂ થશે. બંને ટીમો માટે આગામી આંતરરાષ્ટ્રીય ટૂર્નામેન્ટોની તૈયારીના દૃષ્ટિકોણથી આ શ્રેણી મહત્વપૂર્ણ રહેશે. રહમત શાહની કેપ્ટનશીપ, ફારૂકીની વાપસી અને મોહમ્મદ નબીની ગેરહાજરીને કારણે ક્રિકેટ ચાહકોની નજર આ શ્રેણી પર ખાસ રહેશે.
Rahmat Shah embarks on his first assignment as Afghanistan’s full-time ODI captain as the Afghan Atalan take on Ireland in a five-match ODI series, starting August 5 in Bready. #RahmatShah | #AfghanistanCricket | #IREvAFG pic.twitter.com/IVY7dCkFOa
— CricTracker (@Cricketracker) July 24, 2026