ભારતીય ક્રિકેટ ટીમ માટે વનડે ફોર્મેટમાં શુભમન ગિલની કપ્તાની હેઠળનો સફર અત્યાર સુધી અપેક્ષા મુજબ રહ્યો નથી. ઇંગ્લેન્ડ સામે લોર્ડ્સમાં રમાયેલી નિર્ણાયક ત્રીજી વનડેમાં 27 રને હાર સાથે ભારતે શ્રેણી 2-1થી ગુમાવી હતી. આ સાથે ગિલની કપ્તાનીમાં ભારતે અત્યાર સુધી રમાયેલી ચાર વનડે દ્વિપક્ષીય શ્રેણીમાંથી ત્રણમાં પરાજયનો સામનો કર્યો છે.
શુભમન ગિલને ભવિષ્યના વનડે કેપ્ટન તરીકે જોવામાં આવે છે, પરંતુ પરિણામો તેના માટે પડકારરૂપ રહ્યા છે. ગિલની આગેવાનીમાં ભારતને ઓસ્ટ્રેલિયા, ન્યૂઝીલેન્ડ અને હવે ઇંગ્લેન્ડ સામે શ્રેણી ગુમાવવી પડી છે. એકમાત્ર સફળતા દક્ષિણ આફ્રિકા સામે મળી હતી, જ્યાં ટીમે શ્રેણી પોતાના નામે કરી હતી.
ઇંગ્લેન્ડ સામેની તાજેતરની શ્રેણીમાં ભારતીય ટીમે પ્રથમ મેચ જીતીને સારી શરૂઆત કરી હતી, પરંતુ ત્યારબાદની બે મેચમાં બોલિંગ અને ડેથ ઓવર્સમાં નબળા પ્રદર્શનને કારણે મેચ હાથમાંથી સરકી ગઈ. નિર્ણાયક મુકાબલામાં ઇંગ્લેન્ડે 387 રનનો વિશાળ સ્કોર ઉભો કર્યો હતો. જવાબમાં રોહિત શર્માની શાનદાર સદી અને શુભમન ગિલની ઉપયોગી ઇનિંગ્સ છતાં ભારત 360/7 સુધી જ પહોંચી શક્યું.
મેચ બાદ શુભમન ગિલે સ્વીકાર્યું કે ડેથ ઓવર્સમાં વધારે રન આપવાનું અને સતત ઈજાઓના કારણે ટીમનું સંતુલન બગડવું હારનું મુખ્ય કારણ બન્યું. તેણે કહ્યું કે 2027 વર્લ્ડ કપ પહેલાં ટીમની ફિટનેસ અને સ્થિર કોમ્બિનેશન પર ખાસ ધ્યાન આપવું પડશે.
જોકે ગિલની વ્યક્તિગત બેટિંગ પ્રભાવશાળી રહી છે, પરંતુ કપ્તાન તરીકે સતત સફળતા મેળવવી હવે તેની સામેનો સૌથી મોટો પડકાર બની ગયો છે. આગામી વનડે શ્રેણીઓમાં ગિલ અને ટીમ ઈન્ડિયા પર સારો દેખાવ કરવાની સાથે જીતના ટ્રેક પર પરત ફરવાનો દબાણ રહેશે. હાલના આંકડા ભારતીય ટીમ માટે ચિંતાજનક સંકેત આપી રહ્યા છે, પરંતુ ટીમ મેનેજમેન્ટને વિશ્વાસ છે કે યુવા કપ્તાન અનુભવ સાથે વધુ મજબૂત નેતૃત્વ આપશે.
🚨 SHUBMAN GILL’S ODI CAPTAINCY UNDER SCRUTINY. 👀🇮🇳
Lost the ODI series to Australia ❌
Lost the home ODI series to New Zealand ❌
Now lost the ODI series to England ❌Shubman Gill is still searching for his first overseas ODI series win as India’s captain. 😐#ShubmanGill… pic.twitter.com/W6ySuN7ERW
— Clutch Sports (@Clutchsportsz) July 19, 2026