Aiden Markramએ વ્યક્તિગત કારણોસર IPL 2026 વચ્ચે જ Lucknow Super Giantsનો સાથ છોડી દક્ષિણ આફ્રિકા પરત ફરવાનો નિર્ણય લીધો છે. આ સમાચાર લક્નૌ માટે મોટો ઝટકો માનવામાં આવી રહ્યા છે, કારણ કે ટીમને હજુ લીગ સ્ટેજની બે મહત્વપૂર્ણ મેચ રમવાની બાકી છે.
મીડિયા રિપોર્ટ્સ અનુસાર માર્કરમ જયપુરમાં Rajasthan Royals સામેની મેચ પહેલાં જ ટીમ કેમ્પ છોડીને વતન પરત ફરી ગયા હતા. હવે તે 19 મેના રોજ રાજસ્થાન સામે અને 23 મેના રોજ Punjab Kings સામે થનારી મેચ માટે ઉપલબ્ધ નહીં રહે.
ભલે લક્નૌ સુપર જાયન્ટ્સ પહેલેથી જ પ્લેઓફની રેસમાંથી બહાર થઈ ચૂકી હોય, પરંતુ માર્કરમની ગેરહાજરીનો સીધો અસર પ્લેઓફની લડાઈ પર પડી શકે છે. રાજસ્થાન રોયલ્સ અને પંજાબ કિંગ્સ બંને હાલમાં ટોપ-4માં સ્થાન મેળવવા માટે જોરદાર સ્પર્ધામાં છે. આવી સ્થિતિમાં LSGની ટીમ નબળી પડવાથી આ બંને ટીમોને મોટો ફાયદો મળી શકે છે. તેની અસર Chennai Super Kings, Kolkata Knight Riders અને Delhi Capitalsની પ્લેઓફ આશાઓ પર પણ જોવા મળી શકે છે.
માર્કરમના આ સીઝનના પ્રદર્શનની વાત કરીએ તો તેઓ અપેક્ષા મુજબ અસર છોડી શક્યા નહોતા. જમણા હાથના આ અનુભવી બેટરે IPL 2026માં 12 મેચની 11 ઇનિંગ્સમાં 25.66ની સરેરાશથી 231 રન બનાવ્યા હતા. તેની સર્વોચ્ચ સ્કોર 45 રનની રહી હતી. ટીમ અને ચાહકોને તેની પાસેથી વધુ મોટી ઇનિંગ્સની અપેક્ષા હતી, પરંતુ તેઓ સતત પ્રભાવ પાડવામાં નિષ્ફળ રહ્યા.