ભારતીય ક્રિકેટ ટીમના સ્ટાર ઓલરાઉન્ડર હાર્દિક પંડ્યાએ પોતાની કારકિર્દીને વધુ લાંબી અને સફળ બનાવવા માટે મહત્વપૂર્ણ નિર્ણય લીધો છે. મીડિયા અહેવાલો અનુસાર હાર્દિકે હવે મુંબઈ છોડીને બેંગલુરુમાં કાયમી રીતે રહેવાનું શરૂ કર્યું છે અને ભારતીય ક્રિકેટ નિયામક મંડળ (BCCI)ના સેન્ટર ઑફ એક્સલન્સ (CoE)ને પોતાનું મુખ્ય ટ્રેનિંગ બેઝ બનાવ્યું છે.
માહિતી મુજબ હાર્દિકે બેંગલુરુમાં CoE નજીક ભાડે ઘર લીધું છે જેથી તે રોજિંદી તાલીમ, ફિટનેસ અને રિહેબિલિટેશનની તમામ સુવિધાઓનો સતત લાભ લઈ શકે. અત્યાર સુધી ભારતીય ટીમના કરારબદ્ધ ખેલાડીઓ સામાન્ય રીતે ઈજા બાદ પુનઃવસન અથવા ખાસ કેમ્પ માટે જ CoEનો ઉપયોગ કરતા હતા, પરંતુ હાર્દિક આ સુવિધાને પોતાની કારકિર્દીના બાકીના સમય માટે કાયમી ટ્રેનિંગ સેન્ટર બનાવનાર પ્રથમ ભારતીય ક્રિકેટર બનશે.
હાલમાં હાર્દિક ક્વાડ્રિસેપ્સની ઈજામાંથી સાજા થઈ રહ્યા છે અને તેના કારણે તે ઇંગ્લેન્ડના વ્હાઇટ-બોલ પ્રવાસમાંથી બહાર છે. છેલ્લા કેટલાક મહિનાથી તેઓ સતત CoEમાં તાલીમ લઈ રહ્યા છે. અહેવાલો મુજબ તેઓ પોતાની સાથે પર્સનલ ફિઝિયોથેરાપિસ્ટ સ્ટ્રેન્થ એન્ડ કન્ડિશનિંગ કોચ પણ રાખશે, જેથી ફિટનેસ પર સતત ધ્યાન આપી શકાય.
સૂત્રોના જણાવ્યા અનુસાર મુંબઈમાં રહેતાં રોજ ટ્રેનિંગ માટે લાંબું અંતર કાપવું હાર્દિક માટે મુશ્કેલ બનતું હતું. તેથી તેણે બેંગલુરુને કાયમી ટ્રેનિંગ બેઝ તરીકે પસંદ કર્યું. CoEમાં તેમને ઈજા વ્યવસ્થાપનથી લઈને આધુનિક સ્કિલ ટ્રેનિંગ સુધીની તમામ સુવિધાઓ ઉપલબ્ધ રહેશે.
હાર્દિકનો લક્ષ્ય આગામી પાંચથી છ વર્ષ સુધી ભારત માટે વ્હાઇટ-બોલ ક્રિકેટ રમવાનું છે. તેથી ફિટનેસ અને વર્કલોડ મેનેજમેન્ટને ધ્યાનમાં રાખીને લેવાયેલો આ નિર્ણય તેની કારકિર્દી માટે મહત્વપૂર્ણ માનવામાં આવી રહ્યો છે. હવે ક્રિકેટ ચાહકોની નજર તેમની સંપૂર્ણ ફિટનેસ અને ભારતીય ટીમમાં વાપસી પર રહેશે.
As per reports, Hardik Pandya has relocated to Bengaluru to train regularly at the BCCI’s Centre of Excellence. The move marks an unusual long-term shift as he continues his rehabilitation from injury and plans for his white-ball future.#HardikPandya #Bengaluru #india pic.twitter.com/fsQx4Eh2aI
— CricTracker (@Cricketracker) June 30, 2026