IPL 2026માં પોતાના વિસ્ફોટક પ્રદર્શનથી સમગ્ર ક્રિકેટ જગતનું ધ્યાન ખેંચનાર યુવા બેટર વૈભવ સૂર્યવંશી ફરી એકવાર ચર્ચામાં આવ્યા છે. આ વખતે તેના બેટથી નહીં, પરંતુ શ્રીલંકા પહોંચ્યા બાદ બનેલી એક ઘટનાને કારણે તેઓ સોશિયલ મીડિયામાં છવાઈ ગયા છે. ઇન્ડિયા A ટીમ સાથે શ્રીલંકા પહોંચેલા વૈભવનો એક વીડિયો ઝડપથી વાયરલ થઈ રહ્યો છે, જેમાં તે ચાહકોની ભારે ભીડ વચ્ચે અસ્વસ્થ અને થાકેલા દેખાઈ રહ્યા છે.
વાયરલ વીડિયોમાં જોવા મળે છે કે એરપોર્ટ બહાર મોટી સંખ્યામાં ચાહકો વૈભવ સાથે ફોટો અને વીડિયો લેવા માટે આગળ વધી રહ્યા છે. સતત મુસાફરી અને વ્યસ્ત કાર્યક્રમના કારણે થાકેલા દેખાતા વૈભવે ચાહકોને હાથ જોડીને થોડી જગ્યા આપવા વિનંતી કરી હતી. જોકે તેણે કોઈ પ્રકારનો ગુસ્સો વ્યક્ત કર્યો નહોતો અને ખૂબ જ શાંતિપૂર્વક પરિસ્થિતિને સંભાળી હતી. તેના આ સાદગીભર્યા વર્તને ઘણા ક્રિકેટપ્રેમીઓનું દિલ જીતી લીધું છે.
માત્ર 15 વર્ષની ઉંમરે વૈભવ ભારતીય ક્રિકેટના સૌથી મોટા ઉભરતા સ્ટાર તરીકે સામે આવ્યા છે. IPL 2026માં તેના શાનદાર પ્રદર્શન બાદ હવે સૌની નજર શ્રીલંકામાં યોજાનારી ત્રિકોણીય શ્રેણી પર છે, જ્યાં તેઓ પ્રથમ વખત ઇન્ડિયા A ટીમના ડ્રેસિંગ રૂમનો ભાગ બન્યા છે. આ ટૂર્નામેન્ટમાં શ્રીલંકા A અને અફઘાનિસ્તાન A સામે તેની બેટિંગ ક્ષમતાની કસોટી થશે.
ક્રિકેટ નિષ્ણાતોનું માનવું છે કે વૈભવ માટે આ શ્રેણી ભવિષ્યમાં સિનિયર ભારતીય ટીમમાં સ્થાન મેળવવા તરફનું મહત્વપૂર્ણ પગલું સાબિત થઈ શકે છે. બીજી તરફ, સોશિયલ મીડિયા પર વાયરલ થયેલા વીડિયોએ ફરી એકવાર બતાવી દીધું છે કે આ યુવા ખેલાડીની લોકપ્રિયતા હવે કોઈ સુપરસ્ટારથી ઓછી નથી.
Vaibhav Suryavanshi looked frustrated after being asked for selfies without consent. 📸❌. He has aarived in SL for tri series.#VaibhavSooryavanshi pic.twitter.com/M6SfbjHa4f
— CricInformer (@CricInformer) June 5, 2026