ઇંગ્લેન્ડ ક્રિકેટ ટીમના કેપ્ટન Ben Stokes અને ઝડપી બોલર Gus Atkinson સાથે જોડાયેલા નાઇટક્લબ વિવાદમાં હવે એક નવા નામે ભારે ચર્ચા જગાવી છે. આ નામ છે 21 વર્ષીય સામોન રગ્બી ખેલાડી Totoa Auvaa, જેનું વજન આશરે 125 કિલો અને ઊંચાઈ 6 ફૂટ 5 ઇંચ હોવાનું જણાવવામાં આવ્યું છે.
અહેવાલો અનુસાર, ઇંગ્લેન્ડે ન્યૂઝીલેન્ડ સામે લોર્ડ્સ ટેસ્ટમાં જીત મેળવ્યા બાદ ખેલાડીઓ ઉજવણી કરવા લંડનના એક નાઇટક્લબમાં પહોંચ્યા હતા. ત્યાં બેન સ્ટોક્સ અને ગસ એટકિન્સન પણ હાજર હતા. આ દરમિયાન રગ્બી ક્લબ Saracens સાથે જોડાયેલા ટોટોઆ આવુઆ પણ પોતાના સાથી ખેલાડીઓ સાથે ત્યાં પહોંચ્યો હતો.
મીડિયા રિપોર્ટ્સ મુજબ, ક્લબમાં કોઈ મુદ્દે ઉગ્ર બોલાચાલી બાદ ઝપાઝપી સર્જાઈ હતી. કહેવાય છે કે આવુઆએ એટકિન્સન તરફ મુક્કો મારવાનો પ્રયાસ કર્યો હતો, પરંતુ તે ઇંગ્લેન્ડ ટીમના સુરક્ષા કર્મચારીને વાગ્યો હતો. આ ઘટનામાં સુરક્ષા કર્મચારીને ઈજા પહોંચી હતી અને તેને ટાંકા લેવા પડ્યા હતા. જોકે ઇંગ્લેન્ડ એન્ડ વેલ્સ ક્રિકેટ બોર્ડ (ECB)નું કહેવું છે કે સ્ટોક્સ અને એટકિન્સન આ ઘટનામાં આક્રમક પક્ષ નહોતા.
ટોટોઆ આવુઆ હાલમાં સારાસેન્સની એકેડેમી ટીમનો ભાગ છે અને તેણે હજુ સુધી ક્લબની સિનિયર ટીમ માટે ડેબ્યૂ કર્યું નથી. તેમ છતાં આ ઘટનાએ તેને આંતરરાષ્ટ્રીય મીડિયામાં ચર્ચાનો વિષય બનાવી દીધો છે.
આ સમગ્ર મામલે ECB અને સારાસેન્સ બંને તપાસ કરી રહ્યા છે. બીજી તરફ, ટીમના કર્ફ્યૂ નિયમોના ભંગ બદલ બેન સ્ટોક્સ અને ગસ એટકિન્સન સામે પણ કાર્યવાહી થઈ શકે છે, જેના કારણે તેઓ ન્યૂઝીલેન્ડ સામેની બીજી ટેસ્ટમાંથી બહાર રહેવાની શક્યતા વ્યક્ત કરવામાં આવી રહી છે.
🚨 THIS MAN WAS TRYING TO PUNCH TO GUS ATKINSON 🚨(TOI)
– Totoa avuaa attempt to punch to ATKINSON but he missed
– It is not yet clear whether Ben Stokes and Atkinson retaliated during the incident.
– Totoa is 21 year old & 125 kg a rugby player in saracens
– Totoa has… pic.twitter.com/bfDqinrtKg— VK (@Aur_vicky) June 9, 2026