ઇંગ્લેન્ડના ટેસ્ટ કેપ્ટન Ben Stokes ફરી એક વખત વિવાદોના કેન્દ્રમાં આવ્યા છે. તાજેતરમાં લંડનની એક નાઇટ ક્લબમાં બનેલી ઘટનાને લઈને ઇંગ્લેન્ડ એન્ડ વેલ્સ ક્રિકેટ બોર્ડ (ECB) દ્વારા તેની અને ગસ એટકિન્સનની તપાસ કરવામાં આવી રહી છે. આ ઘટના બાદ સ્ટોક્સના ક્રિકેટ કરિયર દરમિયાન થયેલા અગાઉના વિવાદો ફરી ચર્ચામાં આવ્યા છે.
સૌથી મોટો વિવાદ વર્ષ 2017માં સામે આવ્યો હતો, જ્યારે બ્રિસ્ટલની એક નાઇટ ક્લબની બહાર થયેલી મારામારીમાં સ્ટોક્સની ધરપકડ કરવામાં આવી હતી. આ ઘટનાના કારણે તેમને 2017-18ની એશિઝ શ્રેણીમાંથી બહાર રહેવું પડ્યું હતું. જોકે બાદમાં કોર્ટ દ્વારા તેને નિર્દોષ જાહેર કરવામાં આવ્યા હતા.
બીજો વિવાદ 2023ની એશિઝ દરમિયાન થયો હતો, જ્યારે લોર્ડ્સ ટેસ્ટ બાદ સ્ટોક્સે ઓસ્ટ્રેલિયન ખેલાડીઓના વર્તન અંગે ખુલ્લેઆમ ટીકા કરી હતી. તેના નિવેદનને કારણે બંને દેશોના ક્રિકેટ ચાહકો વચ્ચે ભારે ચર્ચા થઈ હતી.
ત્રીજો વિવાદ મેદાન પરના આક્રમક વર્તન સાથે જોડાયેલો રહ્યો છે. અનેક પ્રસંગોએ સ્ટોક્સ પોતાના ગુસ્સાને કારણે અમ્પાયર અને વિરોધી ખેલાડીઓ સાથે તીવ્ર ચર્ચામાં જોવા મળ્યા હતા, જેના કારણે તેની રમતિયાળ ભાવનાને લઈને સવાલો ઊભા થયા હતા.
ચોથો વિવાદ ઇંગ્લેન્ડ ટીમની પાર્ટી અને ડ્રિન્કિંગ કલ્ચર સાથે જોડાયેલો રહ્યો છે. ટીમ મેનેજમેન્ટ દ્વારા અનેક વખત ખેલાડીઓને શિસ્ત જાળવવાની ચેતવણી આપવામાં આવી હતી અને સ્ટોક્સનું નામ પણ આવા મુદ્દાઓમાં ચર્ચામાં રહ્યું હતું.
હવે તાજેતરની નાઇટ ક્લબ ઘટનાની તપાસ ચાલી રહી છે. જો ECB કડક કાર્યવાહી કરે તો સ્ટોક્સને દંડ કે સસ્પેન્શનનો સામનો કરવો પડી શકે છે. આવી સ્થિતિમાં તેમની ઇંગ્લેન્ડની કેપ્ટનશિપ પણ જોખમમાં આવી શકે છે.